Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Мінскае аддзяленне Беларускай чыгункі

Асноўныя напрамкі дзейнасці

Асноўнымі відамі і мэтамі дзейнасці дэпо з'яўляюцца:
 
  • якаснае абслугоўванне, рамонт і тэхнічнае ўтрыманне ў спраўным стане электрацягнікоў ЭР9, ЭПГЭПР, ЭПМ, якое забяспечвае бесперабойны і бяспечны   рух цягнікоў для выканання зададзенага аб'ему перавозачнай работы на гарадскіх лініях, рэгіянальных і міжрэгіянальных лініях эканом - і бізнескласа;
  • гаспадарчая дзейнасць, накіраваная на атрыманне прыбытку для задавальнення сацыяльных і эканамічных інтарэсаў дэпо і яго работнікаў;
  • задавальненне патрэбнасцей абслугоўваемага рэгіену ў перавозках пасажыраў;
  • укараненне рацыянальных рэжымаў ваджэння цягнікоў;
  • развіцце, утрыманне ў спраўным стане і рацыянальнае выкарыстанне інфраструктуры і абсталявання дэпо;
  • забеспячэнне бяспекі руху цягнікоў, дакладнага выканання правілаў тэхнічнай эксплуатацыі Беларускай чыгункі, загадаў, указанняў і інструкцый Начальніка Беларускай чыгункі і Мінскага аддзялення чыгункі па бяспецы руху, распрацоўка і ажыццяўленне мерапрыемстваў па папярэджанні парушэнняў;
  • планамернае і комплекснае развіцце матэрыяльна-тэхнічнай базы і сацыяльнай сферы, засяроджванне намаганняў і рэсурсаў на тэхнічным пераўзбраенні, мадэрнізацыі і рэканструкцыі дэпо і падраздзяленняў;
  • утрыманне ў спраўным стане будынкаў і збудаванняў, устройстваў і тэхнічных сродкаў;
  • павышэнне эфектыўнасці гаспадарчай дзейнасці;
  • аказанне платных паслуг насельніцтву;
  • захаванне правілаў аховы навакольнага асяроддзя, забеспячэнне экалагічнай бяспекі прадпрыемства.
Асноўнымі відамі падсобна-дапаможнай дзейнасці дэпо з'яўляюцца:
  • размяшчэнне і пракат рэкламнай прадукцыі ў салонах вагонаў электрацягнікоў;
  • рамонт рухомага складу (для іншых арганізацый);
  • прадастаўленне ў арэнду рухомага складу;
  • іншыя паслугі насельніцтву.

Дэпо выконвае ўсе віды тэхнічнага абслугоўвання і дэпаўскога рамонту электрацягнікоў прыпіснога парка:

электрацягнікі ЭР9:
  • тэхнічнае абслугоўванне ТО-2 праз 3 сутак эксплуатацыі;
  • тэхнічнае абслугоўванне ТО-3 праз 6 сутак;
  • бягучы рамонт ТР-1 праз 60 сутак;
  • бягучы рамонт ТР-2 пасля 175 тыс. км прабегу;
  • бягучы рамонт ТР-3 праз 350 тыс. км;
электрацягнікі ЭПГ, Р:
  • тэхнічнае абслугоўванне ТА-2 праз 15 (30) дзен эксплуатацыі;
  • тэхнічнае абслугоўванне ТА-3 праз 90 сутак;
  • бягучы рамонт БР-1 праз 180 дзен;
  • бягучы рамонт БР-2 праз 360 дзен;
  • бягучы рамонт СР-1 праз 3 - 5 гадоў эксплуатацыі ў залежнасці ад сярэднегадавога прабегу.
Лакаматыўныя брыгады дэпо ажыццяўляюць перавозкі пасажыраў на ўчастках:
  • Мінск – Аляхновічы – Маладзечна – Гудагай  150 км
  • Мінск – Асіповічы – Бабруйск – Жлобін – Гомель – 300 км
  • Мінск – Баранавічы – Брэст – 344 км
  • Мінск – Барысаў – Орша – 213 км
Агульная працягласць участкаў, якія абслугоўваюцца Маторвагонным дэпо Мінск – 1007 км.

У рамках Дзяржаўнай праграмы развіцця чыгуначнага транспарту Рэспублікі Беларусь на 2011-2015 гады праведзена работа па ўкараненню новага фармату пасажырскіх перавозак.

Новы фармат ўяўляе сабой комплексную сістэму арганізацыі пасажырскіх перавозак, накіраваную на эфектыўнае задавальненне патрэб пасажыраў у транспартным абслугоўвання з выкарыстаннем новых тэхналагічных рашэнняў і сучаснага рухомага складу, арыентаваную на ўзмацненне транспартных сувязяў паміж рэгіенамі. У рамках гэтай праграмы на баланс Маторвагоннага дэпо прынятыя і эксплуатуюцца 16 электрацягнікоў ЭПГ і ЭПР 4-х і 5-ці вагоннай састаўнасці праекта FLIRT BELARUS, вытворчасці кампаніі STADLER Rail Group (Швейцарыя). У 2016 годзе ў дэпо паступiла два сямівагонных электрацягніка ЭПМ, якія задзейнічаны ў міжрэгіянальным пасажырскім руху.

За перыяд 2011-2013 гадоў рэалізаваныя 1-я і 2-я чаргі будаўнічага праекта «Перааснашчэнне участкаў ТА-3, ТР-1 і ТА-4 Маторвагоннага дэпо Мінск для арганізацыі ўчастка тэхнічнага абслугоўвання электрацягнікоў Stadler». У рамках рэалізацыі дадзенага праекта набыты і ўсталяваны камплект дамкратаў для ўздыму электрацягнікоў ЭП, праведзена замена сілавога электраабсталявання ўчастка, выкананы рамонт падлог шляхам замены яго на наліўны з кампазіцыйных матэрыялаў. У цяперашні час на гэтым участку магчыма вытворчасць ўсіх відаў тэхнічнага абслугоўвання і бягучага рамонту электрацягнікоў ЭПГ і ЭПР, а ў недалекай перспектыве і ЭПМ.

У 2013 годзе заменены састарэлы колафрезерны станок КЖ20ТФ на ўчастку ТА-4, універсальным колатакарным станком вытворчасці кампаніі TALGO (Іспанія), што дазволіла вырабляць обточку колавых пар новых электрацягнікоў ЭП, а таксама наяўнага прыпіснога парку электрацягнікоў ЭР9 пры істотным паляпшэнні якасці апрацоўкі профілю колаў і павелічэнні іх рэсурсу.

Устаноўлена аўтаматычная сістэма дыягностыкі колавых пар цягніка ARGUS-II калi ен рухаецца, таксама вырабленая іспанскай кампаніяй TALGO і прызначаная для кантролю геаметрычных параметраў профілю катання колавых пар электрацягнікоў, вызначэння неабходнасці іх перапрафілявання, а таксама дазваляючая вырабляць ультрагукавы кантроль колаў на наяўнасць ўнутраных дэфектаў.

У цяперашні час завершаны будаўніча-мантажныя работы па аб'екту «Перааснашчэнне участкаў ТА-3, ТР-1 і ТА-4 маторвагоннага дэпо Мінск у частцы арганізацыі ўчастка тэхнічнага абслугоўвання электрацягнікоў STADLER. 3-я чарга». Падоўжаная домкратная пазіцыя і ўстаноўлены восем дадатковых пад'ёмнікаў, што дазваляе праводзіць тэхнічнае абслугоўванне і рамонт электрацягнікоў серыі ЭПМ, а таксама іх экіпіроўку. Выканана мадэрнізацыя асвятлення ўчастка ТА-3, ТР-1 у частцы ўстаноўкі асвятляльных мачтаў з энергазберагальнымі свяцільнямі паміж назіральнымі канавамі, выкананы рамонт 2-й назіральнай канавы з заменай свяцілень асвятлення на энергазберагальныя, устаноўлены сучасныя шклопакеты з падвышанымі цеплаізаляцыйнымі ўласцівасцямі, абсталяваны неабходныя тэхналагічныя памяшканні і камунікацыі для абслугоўвання сучаснага рухомага складу.