Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Мінскае аддзяленне Беларускай чыгункі

Паслугі

Каб Ваша паездка была камфортнай, а час у дарозе ляцеў хутка, праваднікі цягнікоў фарміравання Мінскага аддзялення чыгункі аказваюць пасажырам наступныя паслугі:
  • прадастаўляюць камплекты пасцельных рэчаў. Кошт аднаго камплекта бялізны з улікам ПДВ:
  • у плацкартным і купэйным вагонах (акрамя фірменных цягнікоў) — 1 руб. 50 коп.;
  • у плацкартным і купэйным вагонах фірменных цягнікоў — 2 руб.;
  • у вагонах “СВ усіх цягнікоў — 3 руб.

 У кошт праязных дакументаў на праезд у міжнародных пасажырскіх цягніках, прычапных і бесперасадачных вагонах фарміравання Беларускай чыгункі ўключаецца кошт пасцельнай бялізны.

Пры руху пасажыраў ва ўнутрырэспубліканскіх зносінах сэрвісныя паслугі, у тым ліку пасцельныя рэчы, індывідуальныя санітарна-гігіенічныя камплекты прадастаўляюцца правадніком вагона па жаданні пасажыра.

Аплата паслуг, у тым ліку за камплект пасцельнай бялізны, у цягніках фарміравання іншых чыгунак ажыццяўляецца ў нацыянальнай валюце краіны прыналежнасці вагона.

  • прапаноўваюць прахаладжальныя напіткі, кандытарскія вырабы і халодныя закускі, а таксама абслугоўванне ў вагонах-рэстаранах і купэ-буфетах;
  • прапаноўваюць газеты і часопісы;
  • забяспечваюць трансляцыю музыкі і відэа;
  • прапаноўваюць шашкі, шахматы;
  • прадастаўляюць посуд аднаразовага карыстання і некаторыя прадметы побыту;
  • рэалізацыя сувенірнай прадукцыі.

Хуткія цягнікі № 2/1 Мінск-Масква «Беларусь», № 4/3 Мінск—Масква «Мінск», № 108/107 Мінск—Гомель—Калінкавічы «Белая Русь», № 52/51 Мінск—Санкт-Пецярбург «Звязда», № 86/85 Мінск—Кіеў «Белы бусел» з'яўляюцца фірменнымі.

У кошт праязных дакументаў за межы Рэспублікі Беларусь уключаны кошт пасцельнай бялізны.

У вагонах цягнікоў № 2/1, 52/51, 86/85 (у вагонах з фірмай і паслугамі) у кошт праязных дакументаў за межы РБ уключаны наборы гарантаванага харчавання.

Кожнае купэ вагонаў СВ у фірменных цягніках аснашчана тэлевізарам і службовым відэаканалам, які дазваляе бачыць, што адбываецца ў калідоры перад уваходам у купэ.

Пры неабходнасці пасажыры таксама могуць скарыстацца ЗВЧ-печчу.

На нашых вакзалах мы прапануем пасажырам комплекс паслуг:
  • папярэдняе (ад 45 сутак да адпраўлення цягніка) афармленне праязных дакументаў для праезду «туды»,«назад» і ад іншай станцыі на пасажырскія цягнікі ўнутрырэспубліканскіх і міжнародных зносін (краіны СНД і Балтыі);
  • папярэдняе (ад 60 сутак да адпраўлення цягніка) афармленне праязных дакументаў для праезду «туды»,«назад» і ад іншай станцыі ў міжнародных зносінах (далёкае замежжа);
  • пераафармленне праязных дакументаў на цягнік, які адпраўляецца раней, або вагон больш высокай катэгорыі;
  • вяртанне плацяжоў за нявыкарыстаныя праязныя дакументы або неадпраўлены багаж;
  • браніраванне месцаў па тэлефоне (ст. Мінск-Пасажырскі тэл. 8(017) 225 70 51, 151, (+375 17) 225 70 51) з далейшым афармленнем праязных дакументаў у спецыялізаваных касах;
  • прыём і афармленне групавых заявак на набыццё праязных дакументаў па наяўным і безнаяўным разліку;
  • заказ праязных дакументаў праз сетку Інтэрнэт;
  • афармленне праязных дакументаў, аплачаных праз сетку Інтэрнэт;
  • прадастаўленне інфармацыі пра расклад руху цягнікоў, умовы і кошт праезду ў цягніках, тэл. (+375 17) 225 70 00, 105;
  • перадача аб'яў па вакзальным радыё;
  • папярэдні прыём, афармленне і захоўванне багажу і грузабагажу;
  • апавяшчэнне атрымальніка аб прыбыцці багажу па тэлефоне, праз паштовае аддзяленне сувязі, тэлеграф;
  • дастаўка ручной паклажы пасажыраў насільшчыкамі станцыі;
  • перавозка грузаў багажнымі вагонамі да станцыі назначэння;
  • пагрузка, выгрузка і ўзважванне багажу;
  • упакоўка багажу па тэхналогіі, якая забяспечвае яго захаванасць па шляху руху;
  • прадастаўленне месцаў для захоўвання ручной паклажы ў камерах захоўвання;
  • добраахвотнае страхаванне пасажыраў;
  • выдача копіі праязнога дакумента пасля ажыццяўлення паездкі пасажыра (пры неабходнасці пацвярджэння паездкі ў выпадку адсутнасці арыгінала праязнога дакумента);
  • прадастаўленне плошчаў для размяшчэння рэкламы на вакзале на дагаворнай аснове.
Зала павышанай камфортнасці «Клуб СВ» на чыгуначным вакзале станцыі Мінск-Пасажырскі
 

Якасна новы ўзровень сэрвісу і камфорту прапаноўвае мінчанам і гасцям сталіцы чыгуначны вакзал у зале павышанай камфортнасці «Клуб СВ». Ва ўтульнай  атмасферы наведвальнікі клуба могуць адпачыць ад вакзальнага шуму і мітусні, атрымаць шырокі спектр паслуг. У першую чаргу клуб разлічаны на пасажыраў, якія набылі білет у вагон СВ. Для іх 3-гадзіннае знаходжанне ў зале павышанай камфортнасці будзе бясплатным. Аднак клуб могуць наведаць і ўсе жадаючыя - аплаціўшы ўваход.

У зале павышанай камфортнасці сэрвіс-цэнтра «Клуб СВ» Мінскага чыгуначнага  вакзала створана ўсё для абсалютнай зручнасці наведвальнікаў. Шырокі спектр паслуг сэрвіс-цэнтра закліканы палепшыць час чакання для пасажыраў з максімальным камфортам. Тут Вы можаце вырашыць тэрміновыя пытанні перад паездкай, каб час быў патрачаны  з карысцю. 

Наведаўшы сэрвіс-цэнтр «Клуб СВ» на 2-ім паверсе будынка вакзала, Вы можаце скарыстацца наступнымі паслугамі:
- прадастаўленне даведачнай інфармацыі аб графіку руху пасажырскіх і прыгарадных цягнікоў, наяўнасці месцаў, кошце праезду
- магчымасць правядзення дзелавых сустрэч і перагавораў
- браніраванне гасцініцы ў Мінску
- браніраванне экскурсій па Мінску і гарадах Беларусі
- выклік насільшчыка
- выклік таксі
- прадастаўленне звестак аб маршрутах гарадскога транспарту
- прадастаўленне даведачнай інфармацыі па Мінску і РБ
- Інтэрнэт (правадны, Wi-Fi)
- заказ століка на абслугоўванне ў рэстаране (кафэ) горада Мінска
- паслугі бара
Таксама ў сэрвіс-цэнтры свабодна і без чаргі Вы можаце набыць праязныя чыгуначныя дакументы ў цікавячым Вас напрамку (гарады Беларусі, краіны СНД і  Балтыі).
 
Сэрвіс-цэнтр «КЛУБ СВ»
Чыгуначны вакзал
г.Мінск, пл. Прывакзальная, д.3
2-гі паверх
Тэл.:(+375 17) 225 00 52
Факс: (+375 17) 225 52 00
e-mail: club_sv@tut.by